Mycoplasma pneumoniae

Mycoplasma pneumoniae
Irudi gehiago
Sailkapen zientifikoa

Erreinua	Bacillati
Filuma	Mycoplasmatota
Klasea	Mollicutes
Ordena	Mycoplasmatales
Familia	Mycoplasmataceae
Generoa	Mycoplasma
Espeziea	Mycoplasma pneumoniae [[\|]]

Datu orokorrak
Gram tindaketa	bakterio gram-negatibo

Mycoplasma pneumoniae Mycoplasma generoko bakterio patogenoa da, gizakiak infektatzen dituena pneumonia eta arnas-aparatuko beste patologia batzuk eraginez.

M.D. Eaton mikrobiologoak aurkitu zuen mikrobio hau 1944an, pneumonia atipiko bat zuen gaixo batean.

Ezaugarriak

Mycoplasma guztien antzera bakterio hau oso txikia da, eta zelula hormarik gabekoa. Horrenbestez, ez da Gram tindaketarekin tindatzen, eta penizilina eta beste antibiotiko betalaktamikoekiko erresistentea da. Ez da mugikorra,

M. pneumoniaek adhesina berezi bat dauka, P1 izenekoa, parasitatutako arnas-aparatuko zeluletara atxikitzeko balio duena ^[1].

Bakterio honek kolesterola du bere zelula mintzean, zelula eukariotoen antzera. Horrek shock osmotikotik babesten du.

Oso motel hazten du laborategiko hazkuntza-inguruneetan, bi aste inguru behar baitira bakterioaren hazkuntza antzemateko.

Patogenia

Gizakiaren arnas-aparatuko parasitoa da M. pneumoniae ^[2]. Pneumonia onbera sortzen du, eskuarki larria ez dena, umeak eta gazteak -bereziki- jotzen dituena. Pneumonia hori ohikoagoa da udan neguan baino. Sintoma nagusiak zefalea, sukarra eta eztula dira. Inkubazio-epe luzea du (3 aste).

Trakeobronkitisa ere sor dezake mikroorganismo horrek.

Mimetismo antigenikoaren bidez autoimmunitatea eragiten du kasu batzuetan Mycoplasma honek ^[2].

Gaitza arnas-traktuko laginak hartzean eta bakteriar kultura bat eginez diagnostikatu daiteke, baina prozedura oso motela da. Horregatik, teknika serologikoen bidez edo PCR-ren bidez askoz azkarrago diagnostikatzen da.

Tetraziklinak eta eritromizina erabiltzen dira pneumonia atipiko hau tratatu eta sendatzeko.

Erreferentziak

↑ Basaras, M.; Umaran, A.. (2004). Mikrobiologia medikoa. EHU, 279-280 or. ISBN 84-8373-658-6..
↑ ^a ^b Waites, Ken B.; Talkington, Deborah F. (2004) Mycoplasma pneumoniae and Its Role as a Human Pathogen Clin Microbiol Rev. 2004 Oct; 17(4): 697–728

Kanpo estekak

Autoritate kontrola	Wikimedia proiektuak Datuak: Q310904 Multimedia: Mycoplasma pneumoniae / Q310904 Espezieak: Mycoplasma pneumoniae Hiztegiak eta entziklopediak Britannica: url Datu taxonomikoak EOL: 975297 GBIF: 3225982 ITIS: 963947 NCBI: 2104 Medikuntzako identifikadoreak MeSH: D009177 Kimikako identifikadoreak UNII: JQE470FAD0