Mikel Zamora

Mikel Zamora

Bizitza
Jaiotza	Aretxabaleta, 1977ko uztailaren 1a (46 urte)
Herrialdea	Gipuzkoa, Euskal Herria
Jarduerak
Jarduerak	abeslaria
Genero artistikoa	pop rock indie rock

Mikel Zamora Carrancio (Aretxabaleta, Gipuzkoa, 1977ko uztailaren 1a - ) abeslari aretxabaletarra da.

Ibilbidea

Hainbat urtez herritik kanpora egon ondoren 2015ean Aretxabaletara itzuli zen. 2018an The Blue Painters taldeko abeslari bihurtu zen. COVID-19 pandemiak eragindako itxialdian hainbat kantu konposatu zituen eta 2021eko urrian bideklip bat zabaldu zuen sare sozialen bidez. "Quién me lo iba a decir" du izena eta Madrilgo eta Aretxabaletako Urkulu urtegiko eta Degurixa inguruko irudiak ikusten dira^[1]. Pop-rock eta indie estiloak jorratzen ditu. 2022ko urtarrilean "Tu castillo" izeneko bigarren singlea atera zuen, animaziozko irudiez osaturikoa^[2]. Bigarren bideoklip hau egin ahal izateko crowdfunding kanpaina bat antolatu zuen^[3].

Sei kantu dituen EPa osatu zuen, Raúl Verak ekoiztutakoa, eta martxoan argitaratu zuen. Gaztelerazko lau abesti eta euskarazko eta ingelesezko bana ditu. Aurreneko kontzertua herrian bertan eman zuen^[4]^[5].

2024an Smooth Trip hirukotea sortu zuen Selcuk Senyurt eta German Muñozekin batera. Abesti ezagunen bertsioak egiten dituzte^[6].

Diskografia

Mikel Zamora PR (2022, autoekoizpena)^[7]

Erreferentziak

↑ «Mikel Zamora: "Nire kantuen disko labur bat egingo dut" - Aretxabaleta» Goiena.eus (Noiz kontsultatua: 2022-03-26).
↑ «Mikel Zamora: "Oso eskertuta nago bideoklip berria sortzeko jaso dudan babesarekin" - Aretxabaleta» Goiena.eus (Noiz kontsultatua: 2022-03-26).
↑ (Gaztelaniaz) «Mikel Zamora plasma sus sueños en un proyecto de música y animación» El Correo 2022-01-02 (Noiz kontsultatua: 2022-03-26).
↑ «MIKEL ZAMORA KONTZERTUAN» Aretxabaletako Udala (Noiz kontsultatua: 2022-03-26).
↑ «Mikel Zamorak kontzertu hunkigarria jo du herrikideen aurrean - Aretxabaleta» Goiena.eus (Noiz kontsultatua: 2022-03-26).
↑ «Mikel Zamora buru duen Smooth Trip taldearen emanaldia domekan - Aretxabaleta» Goiena.eus (Noiz kontsultatua: 2024-06-12).
↑ «Mikel Zamora: "Nik sortu ditut kantak, eta oso pertsonalak dira, oso neureak" - Aretxabaleta» Goiena.eus (Noiz kontsultatua: 2022-03-26).